ಕೀಲಾರು ವಿಜಯಲಕ್ಷ್ಮಿ ನಿಧನ – ಟಿ ಎಂ ಶಾಹಿದ್ ತೆಕ್ಕಿಲ್ ಸಂತಾಪ…

ಸುಳ್ಯ: ಸಂಪಾಜೆಯ ಹಿರಿಯ ಮುತ್ಸದ್ದಿ, ಮಾದರಿ ಕೃಷಿಕರಾಗಿದ್ದ ದಿವಂಗತ ಡಾ. ಕೀಲಾರು ಗೋಪಾಲಕೃಷ್ಣಯ್ಯರವರ ಧರ್ಮಪತ್ನಿ ವಿಜಯಲಕ್ಷ್ಮಿಯವರ ನಿಧನಕ್ಕೆ ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ, ತೆಕ್ಕಿಲ್ ಪ್ರತಿಷ್ಠಾನದ ಸ್ಥಾಪಕಾಧ್ಯಕ್ಷ ಟಿ ಎಂ ಶಾಹಿದ್ ತೆಕ್ಕಿಲ್ ಸಂತಾಪ ವ್ಯಕ್ತಪಡಿಸಿದ್ದಾರೆ.
ಕೀಲಾರು ಕುಟುಂಬದವರು ಪೇರಡ್ಕದ ಜುಮಾ ಮಸೀದಿಯ ಅಧೀನದಲ್ಲಿ ಗೂನಡ್ಕದಲ್ಲಿ ಮದರಸ ಮತ್ತು ಮಸೀದಿ ನಿರ್ಮಾಣಕ್ಕೆ ಸ್ಥಳವನ್ನು ದಾನವಾಗಿ ನೀಡಿದ್ದು, ಗೂನಡ್ಕ ಪೇರಡ್ಕದ ತೆಕ್ಕಿಲ್ ಕುಟುಂಬದ ಮತ್ತು ಮೋಹಿದ್ದಿನ್ ಜುಮಾ ಮಸೀದಿ ಕೃಷಿ ಸ್ಥಳಕ್ಕೆ ಉತ್ತಮ ತಳಿಯ ತೆಂಗಿನ, ಅಡಿಕೆ ಮತ್ತಿತರ ಗಿಡಗಳನ್ನು ನೀಡಿ ಕೃಷಿಗೆ ಉತ್ತೇಜನ ನೀಡುತ್ತಿದ್ದರು. ಹಲವಾರು ಬಡವರಿಗೆ ವಿವಿಧ ರೀತಿಯ ಸಹಾಯ ನೀಡುತ್ತಿದ್ದರು ಎಂದು ಸ್ಮರಿಸಿ ಅವರ ನಿಧನ ಬಡವರಿಗೆ ತುಂಬಲಾರದ ನಷ್ಟ. ಅವರ ನಿಧನದ ದುಃಖವನ್ನು ಸಹಿಸುವ ಶಕ್ತಿ ಅವರ ಕುಟುಂಬಕ್ಕೆ, ಹಿತೈಷಿಗಳಿಗೆ ದೇವರು ಕರುಣಿಸಲಿ ಎಂದು ಸಂತಾಪ ಸಂದೇಶದಲ್ಲಿ ತಿಳಿಸಿದ್ದಾರೆ.