ಫಾತಿಮಾತ್ ಸಜ್ ಲಾ ರವರಿಗೆ ಸುಳ್ಯದ ಪ್ರಮುಖರಿಂದ ಸನ್ಮಾನ…

ಪುತ್ತೂರು: ಪುತ್ತೂರು ತಾಲೂಕು ಬೈತಡ್ಕ ಜುಮಾ ಮಸ್ಜಿದ್ ಮಾಜಿ ಅಧ್ಯಕ್ಷ ಹಾಜಿ ಬಿ. ಪಿ. ಇಸ್ಮಾಯಿಲ್ ರವರ ಪುತ್ರಿ ಫಾತಿಮತ್ ಸಜ್ ಲಾ ತನ್ನ ಕಾಲೇಜು ವಿದ್ಯಾಭ್ಯಾಸ ದ ಜತೆಗೆ ಪವಿತ್ರ ಕುರ್ ಆನ್ ನ 30 ಕಾಂಡ (ಜುಝ್ಹ್ ) ಗಳನ್ನು ಕೈ ಬರಹದ ಮೂಲಕ ಬರೆದು ಅಪೂರ್ವ ಸಾಧನೆ ಮಾಡಿರುತ್ತಾರೆ.
ಇವರ ಸಾಧನೆ ಯನ್ನು ಅಭಿನಂದಿಸಿ ಸುಳ್ಯ ದ ವಿವಿಧ ಸಂಘ ಸಂಸ್ಥೆಗಳ ಪ್ರತಿನಿಧಿಗಳು ಅವರ ಮನೆಗೆ ತೆರಳಿ ಸನ್ಮಾನಿಸಿದರು.
ಸನ್ಮಾನ ನೆರವೇರಿಸಿ ಮಾತನಾಡಿದ ಸುಳ್ಯ ನಗರ ಯೋಜನಾ ಪ್ರಾಧಿಕಾರ ( ಸೂಡ ) ಅಧ್ಯಕ್ಷ ಕೆ. ಎಂ. ಮುಸ್ತಫ ಮಾತನಾಡಿ ಪೆನ್ನು ಬಳಸಿ ಪವಿತ್ರ ಕುರ್ ಆನ್ ನ್ನು ಕೈ ಬರಹ ಮೂಲಕ ಬರೆದವರು ಸಿಗಬಹುದು, ಆದರೆ ಹಿಂದಿನ ಕಾಲದಂತೆ ಲೇಖನಿ ( ಕಲಮ್) ಯನ್ನು ಮಸಿಗೆ ಆದ್ದಿ ಪ್ರತಿಯೊಂದು ಅಕ್ಷರಗಳನ್ನು ಸಾಂಪ್ರದಾಯಿಕ ಮತ್ತು ಪಾವಿತ್ರ್ಯತೆ ಯ ಸೂಕ್ಷ್ಮ ದೃಷ್ಟಿ ಕೋನದಲ್ಲಿ ಬರೆದ ಫಾತಿಮತ್ ಸಜ್ ಲಾ ಸಾಧನೆ ಅತ್ಯಪೂರ್ವ ಎಂದು ಬಣ್ಣಿಸಿದರು.
ಈ ಸಂದರ್ಭದಲ್ಲಿ ಸುಳ್ಯ ನಗರ ಪಂಚಾಯತ್ ಸದಸ್ಯರು ಗಳಾದ ಶರೀಫ್ ಕಂಠಿ, ರಿಯಾಜ್ ಕಟ್ಟೆಕ್ಕಾರ್ಸ್, ಅನ್ಸಾರುಲ್ ಮುಸ್ಲಿಮೀನ್ ಅಸೋಸಿಯೇಷನ್ ಉಪಾಧ್ಯಕ್ಷ ಕೆ. ಬಿ. ಇಬ್ರಾಹಿಂ ಉಪಸ್ಥಿತರಿದ್ದರು.
ಈ ಸಂದರ್ಭದಲ್ಲಿ ಸಜ್ಲಾ ರವರ ತಂದೆ ಹಾಜಿ ಬಿ. ಪಿ. ಇಸ್ಮಾಯಿಲ್ ರವರು ಮಾಹಿತಿ ನೀಡಿ 2416 ಗಂಟೆ ಗಳಲ್ಲಿ ಲೆಕ್ಕ ಹಾಕಿದರೆ ಅಂದರೆ 306 ನಿರಂತರ ದಿನಗಳ ಬಳಕೆಯಾಗಿರುತ್ತದೆ 14 ಇಂಚು ಅಗಲ, 12 ಇಂಚು ಉದ್ದ 5.5 ಇಂಚು ದಪ್ಪ ದ ಪುಸ್ತಕ ದಲ್ಲಿ ಸುಂದರವಾದ ವಿನ್ಯಾಸ ದ ಕಲಾತ್ಮಕ ಬೈಂಡಿಂಗ್ ನೊಂದಿಗೆ ಈ ಸಾಧನೆ ಯನ್ನು ಸುರಕ್ಷಿತ ವಾಗಿ ಇಡಲಾಗಿದೆ ಎಂದರು.