ಸುಳ್ಯ – ಕೆರೆಮೂಲೆ ವಾರ್ಡ್ ನಲ್ಲಿ ಆರೋಗ್ಯ ಮಾಹಿತಿ ಸಂಗ್ರಹಕ್ಕೆ ಚಾಲನೆ…

ಸುಳ್ಯ: ನಗರದ ಕೆರೆಮೂಲೆ ವಾರ್ಡ್ ನಲ್ಲಿ ಮನೆ-ಮನೆ ಆರೋಗ್ಯ ಮಾಹಿತಿ ಸಂಗ್ರಹಕ್ಕೆ ಇಂದು ಚಾಲನೆ ನೀಡಲಾಯಿತು.
ರಾಜ್ಯ ಸರಕಾರದ ಆದೇಶದಂತೆ ವಾರ್ಡ್ ಗಳಿಗೆ ರಚಿಸಲಾದ ಕೋವಿಡ್ -19 ಟಾಸ್ಕ್ ಫೋರ್ಸ್ ತಂಡದ ಮೂಲಕ ಪ್ರತಿ ಮನೆಯ ಎಲ್ಲಾ ಸದಸ್ಯರ ಆರೋಗ್ಯ ಮಾಹಿತಿ ಸಂಗ್ರಹದ ಯೋಜನೆ ಇದಾಗಿದೆ.
ಸುಳ್ಯ ನ.ಪಂ. ನ ವಾರ್ಡ್ ಸಂಖ್ಯೆ 12 (ಕೆರೆಮೂಲೆ) ಇದರ ಮನೆ-ಮನೆ ಆರೋಗ್ಯ ಮಾಹಿತಿ ಸಂಗ್ರಹಕ್ಕೆ ಶ್ರೀ ಚೆನ್ನಕೇಶವ ದೇವಸ್ಥಾನದ ಮುಂಭಾಗದಲ್ಲಿ ಚಾಲನೆ ನೀಡಲಾಯಿತು. ಈ ಸಂದರ್ಭದಲ್ಲಿ ನ.ಪಂ. ಸದಸ್ಯ ಎಂ. ವೆಂಕಪ್ಪ ಗೌಡ, ಟಾಸ್ಕ್ ಫೋರ್ಸ್ ತಂಡದ ಸದಸ್ಯರಾದ ಉಬರಡ್ಕ ಪ್ರೌಢ ಶಾಲೆಯ ಶಿಕ್ಷಕ ಉನ್ನಿಕೃಷ್ಣನ್, ಅಡ್ಪ೦ಗಾಯ ಶಾಲೆಯ ರಾಜೀವಿ. ಎ, ಬೂಡು ಅಂಗನವಾಡಿ ಕಾರ್ಯಕರ್ತೆ ಕವಿತಾ, ಸ್ಥಳೀಯರಾದ ಸುರೇಶ ಉಪಸ್ಥಿತರಿದ್ದರು.