ಸುಳ್ಯ: ಗಿಡನೆಟ್ಟು ಪರಿಸರ ಉಳಿಸುವ ಕಾಯಕದಲ್ಲಿ ತೊಡಗಿಸಿಕೊಂಡಿರುವ ಸುಳ್ಯ ಕೇರ್ಪಳದ ಚಂದ್ರಪ್ರಕಾಶ ಅವರಿಗೆ ಮಲೆನಾಡು ಚಾರಿಟೇಬಲ್ ಟ್ರಸ್ಟ್ ವತಿಯಿಂದ ಮಲೆನಾಡ ಪರಿಸರ ಮಿತ್ರ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.
ಮಲೆನಾಡು ಚಾರಿಟೇಬಲ್ ಟ್ರಸ್ಟ್ ನ ಅಧ್ಯಕ್ಷ ರಿಯಾಜ್ ಕಟ್ಟೆಕಾರ್ ರ ನೇತೃತ್ವದಲ್ಲಿ ಚಂದ್ರಪ್ರಕಾಶರ ಮನೆಗೆ ತೆರಳಿ ಪ್ರಶಸ್ತಿ ಪ್ರಧಾನ ಮಾಡಲಾಯಿತು. ಈ ಸಂದರ್ಭದಲ್ಲಿ ಹಮೀದ್ ಜನತಾ, ಮಜೀದ್ ಜನತಾ, ಕೆ.ಎಂ.ಮುಸ್ತಫಾ, ಸಿದ್ದಿಕ್ ನಾವೂರು, ಬಾಲಚಂದ್ರ ಕೇರ್ಪಳ, ಡಾ.ಚಂದ್ರಶೇಖರ್ , ಇಬ್ರಾಹಿಂ ಕೆ.ಬಿ, ಅಮರ್ ಮೊದಲಾದವರು ಇದ್ದರು. ಚಂದ್ರಪ್ರಕಾಶ್ ಕೇರ್ಪಳ, ಅವರ ತಾಯಿ ಯಶೋದ ಹಾಗೂ ಮನೆಯವರು ಇದ್ದರು.
ಚಂದ್ರಪ್ರಕಾಶ ಅವರು ವರ್ಷಂಪ್ರತಿ ಸರಕಾರಿ ಕಚೇರಿಗಳ ಆವರಣ, ಖಾಲಿ ಇರುವ ಜಾಗದಲ್ಲಿ ಗಿಡಗಳನ್ನು ನೆಟ್ಟು ಪರಿಸರ ಉಳಿವಿಗೆ ಶ್ರಮಿಸುತ್ತಿದ್ದಾರೆ.
